Aruba Triathlon Association a organisa dia 7 di april ultimo e FATUM Sprint Triathlon na Boca Catalina. 64 tri-atleta a competi cu otro den landamento, ciclismo y coremento. Tawatin 10 team di relevo. Den totalidad e tri-atletanan mester a landa 750 meter, core un distancia di 20 km riba bais, y sigui e careda na pia. E evento a tuma lugar na Boca Catalina. E ruta di ciclismo tawata e buelta entre Malmok y Bakval.

Un mainta sigur agradabel y jena di sorpresa ta loke e alumnonan di Ciclo Basico di EPB San Nicolas a experencia diaranzon mainta durante pausa, unda nan a haya bishita inespera di e profesionalnan di Street Soccer di Hulanda como tambe di su excelencia Minister di Justicia y Ensenanza, mr. Arthur Dowers.

Rode Kruis ta encurasha deporte y bida saludabel. Un rason pakiko nos ta trece esaki na abo, un oportunidad pa patrosina. Bo patrosinio lo bai completamente na Rode Kruis Aruba y asina bai bek den e comunidad Arubano. E recaudamento di fondo lo ser 100 porciento usa pa e servicio di prome auxilio cu Rode Kruis ta duna ora di caminata, eventonan di deporte escolar, marathon y otro actividadnan deportivo na Aruba.
 

Recientemente a tuma lugar un competencia den e deporte di bike cross BMX organisa pa AWB. Un cantidad grandi di muchanan den tur edad a participa na e competencia aki. Mester bisa cu e deporte di BMX ta creciendo den popularidad na Aruba, mientras tin algun bon prospecto mei mei di e coredornan cu por yega hopi leu den competencianan internacional, manera e