Cu hopi alegria e muchanan di Giants Pico Bellos categoria 5-6 a celebra e bautiso di nan uniform nobo cu a wordo gesponsor pa e prestigioso compania Pico Bello.

  E felis ocasion aki a wordo celebra na Pizza Hut unda cu e muchanan acompanja pa nan mayornan a pasa un dushi rato disfrutando un dushi pizza y otro cosnan dushi.

  Sr. Benjamin Francees, Manager di e team di Giants a hiba palabra pa gradici na Sr. Ewald Jorink, CEO di e compania Pico Bello, pa e confiansa brinda na e team y vooral pa e apoyo balioso cu su compania ta dunando na e muchanan y e deporte di Baseball, a la vez Sr. Francees a pidi na e mayornan pa coresponde e gesto balioso aki pa apoya e compania Pico Bello y celebra nan momentonan felis cu productonan di Pico Bello.

  Despues di esaki a pasa pa e acto di bautiso y pa esaki a scohe e madrina bunita, Nella, pa tin e honor di tene e flanel di e team pa wordo bautisa conhuntamente cu Sr. Jorink y Sr. Francees y despues di esaki tur hende a disfruta di un dushi treat di ice cream Pico Bello.

  Siguientemente por aprecia imagennan di e celebracion aki.