Recientemente Aruba Basketball Bond a adkiri un coach di Venezuela pa asina entrena nos atletanan di basketball pa un luna largo.

E entrenador Jeancarlos Antonio Ortega Concho lo bin asisti A.B.B den e desaroyo di e deporte di basketball como tambe contribui na e yuda hisa e nivel di nos coachnan y nan atletanan.

  Henter e luna di juni, coach Ortega Concho lo traha cu e grupo di atletanan di e categorianan U12, U15, U17, U19 y probablemente U21.  E tarea di coach Ortega Concho lo ta uno amplio unda e lo aplica entrenamento di “drills” cu no solamente ta mehora e prestacion di nos atletanan pero tambe retonan pa mehora nan disciplina pa e competencia.

  Na banda di esaki lo enfoca riba e preparacion di nos e atletanan participacion den competencianan internacional.  Lo pone atencion na nos dirigente y coachnan mirando cu lo ofrece clinicanan varia cu mester tin un impacto positivo riba e desaroyo di e deporte di basketball y nan atletanan.

  Basketball semper tabata un deporte hopi gusta na Aruba, e influencia di e liga profesional na Merca, NBA tin un impacto grandi riba nos muchanan den tur edad.   

  Den diferente bario y YMCA tin un cancha di basketball unda esakinan ta yen tur dia di hobennan cu ta practica e deporte di bala.

  Un danki sigur na Lotto, e Loteria di Aruba pa medio di Comision di Subsidio cu a subsidia pa e coach procedente di Venezuela por bin duna asistencia na e deporte di basketball.

   Cumprando weganan di Lotto, e Loteria di Aruba bo ta contribui na deporte riba nos isla.  Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.