Un total di 6 team internacional y 2 team di Aruba lo ta e equiponan cu lo bataya pa e titulo maximo. 

E prome partido a tuma lugar riba veld di Pos Chiquito Ballpark entre Puerto Rico cu Bahamas. Mester bisa cu e muchanan di Puerto Rico a baha duro riba esnan di Bahamas y ta logra un Victoria di 13-0.

E segundo partido tabata entre Guatemala y Panama. Den e partido aki Panama a derota Guatemala cu un score di 23-1.

E di 3 partido a bay entre nos muchanan di cas, e di 2 ekipo di Aruba cu ta Aruba Host vs Venezuela. Suerte no a toca nos muchanan y nan a cay venci contra e ekipo di Venezuela cu un score di 6-0.

E ultimo partido ta na unda cu e otro ekipo di Aruba cu ta Aruba Champs a derota e ekipo di St. Maarten cu un score di 27-0.