Leonard Phillips ta e unico cu a haci examen pa faha berde, mientras cu e otronan a haya nan faha geel. E examen a consisti hopi ariba e tecnicanan, 4 hoeks y bringamento. Brazil Taekwondo Stichting ta concentra hopi ariba e parti di bringa. Brazil Taekwondo Stichting kier sigui mantene e lema di "Train Hard Fight Smart". Mester bisa si cu nos di Brazil Taekwondo Stichting ta mirando hopi potencial den e atletanan cu a cuminsa chikito mescos cu hopi di esnan cu ta den e team di "Train Hard Fight Smart" cu ta progresando hopi bon y lihe. Clifford Rasmijn ta mira hopi curashi den John Leon y Lixandra Bello. Awor Lixandra Bello a dicidi di subi su intensidad di training pa e tambe forma parti di e team di Train Hard Fight Smart. E directiva di Brazil Taekwondo Stichting ta felicita tur e atletanan cu a logra di pasa nan examen.