| Entrevista cu e entrenador di taekwondo: Carlos Luis Hernández Montilla |
|
|
|
| Sunday, 11 September 2011 | |
.jpg "Morillo (Custom).jpg") Naci na Venezuela, Carlos cu su binti anja ya a bira entrenador di taekwondo. Hunto cu dos otro persona, Carlos a lanta un academia di taekwondo na Venezuela. Actualmente, Carlos ta entrenador principal di e selección di taekwondo di Aruba. 1. Con bo a bira entrenador? Despues di tabata capitán di mi estado pa tres anja sigui, mi a cuminsa cu un academia di taekwondo hunto cu otro atleta y un amigo di equipo. Asina aki nos a forma otro generación di competidornan infantil y hubenil 2. Kico ta e beneficionan pa ta entrenador na Aruba? E beneficionan cu Aruba a brinda mi tabata e oportunidad di crece mas den e mundo di e deporte cu pa mas di 22 anja mi tin ta prakticando. 3. Kico ta e tarea mas dificil como entrenador? Como entrenador e mas difícil ta cu den cierto tempo, cuminsa cada bez cu atletanan nobo, ya cu otro atletanan tin compromisonan mas importante y relevante pa nan, ehempel ta atletanan cu ta bai studia na Hulanda of otronan cu ta cuminsa traha, ya cu nan no tin beneficio den sigui praktica e deporte di taekwondo. 4. Miho experiencia como entrenador? Mi mihor experiencia como entrenador tabata e manera cu mi por a transmiti mi conocimento y mira esakinan refleha den e atletanan. Ta algo special ora nan indentificabo pa realisa un bon trabou, danki na e esfuerzo di e atletanan kendenan diariamente ta acudi mainta, atardi y den weekend pa bira un tiki mas profesional den e deporte cu mas nan ta gusta. 5. Cua ta bo peor momento como entrenador? Mi no tin, tur ta pa bon y mal momento, mi ta usa cada uno pa sigui crece profesionalmente. 6. Mentiona e miho 3 calidadnan di atletanan cu ta bayendo e weganan? Bon engeneral, tur dos atleta tin diferente calidadnan peculiar, pero cu ta comparti e amor pa su país, e spiritu di e competencia como tambe su deber como deportista di nivel halto. 7. Cuanto tempo ta preparando e atletanan pa e Weganan Panamericano? Desde e momento di su clasificación 26 di maart 2011. 8. Kico ta bo projection pa e Weganan Panamericano? Nan ta reserva, ta existi hopi factor cu por influencia e resultado final. Mi ta prefera warda te na ultimo siman pa mi responde e pregunta. 9. Conseho pa otro entrenador cu kier yega asina lew den nan carera? Mantene bo mes humilde, cu bo pianan na tera y tene cuenta cu na tempo mester coregi cosnan cu no ta bai bon, ya cu esnan afecta lo bira e atletanan pa medio di nan resultadonan. 10. Ki ta bo conseho pa e atletanan cu ta bayendo Weganan Panamericano? Tin un mentalidad di competidor, uno cu ta prepara su mes mentalmente y físicamente pa laga un stempel positief den un competencia grandi di nos region. No bai un competencia y aparece solamente na nomber of djis pa participa, pensa di ta competitivo y probecha di e confianza di e oponente pa bo tin ventaha ariba nan. |
| < Prev | Next > |
|---|
