Proximamente, Renald lo ta biahando cu su equipo di Aruba pa Panama, pa asina competi den e torne di CONCECABOL Juvenil 2014.  Aña pasa Renald a logra bin cu medaya di Oro den doubles y e aña aki e ta trahando duro pa defende su titulo y mas.

  Actualmente Renald ta entrena 3 biaha pa siman na Eagle Bowling Center na unda cu ARBAS ta dune e oportunidad di train riba condition di azeta di Kegel, y Al Training  Performance Center serca su trainer Aldrick Maduro.  Aki sigur e ta haya su training fisico profesional pa e ta den top condition y ademas di esey Cemedar ta dune e oportunidad di su masagenan pa asina e keda den e mihor forma pa representa Aruba.

  Fin di Juni Renald tin compromiso na Panama y despues na fin di Juli comienso di Augustus, Renald lo ta biahando pa Puerto Rico y U.S. Virgin Island pa asina participa den e torneonan International.

  Nos kier a desea Renald tur clase di Exito di awor caba pa e retonan su dilanti, y mirando cu semper Renald a sa di bin cu premio bek Aruba, nos lo no tin duda cu e biaha aki lo e hasi mescos.

  Exito Renald y sigi tene Aruba su nomber semper den laira.