Awor ta’sina leu cu e competencia final ta bay tuma lugar diabierna dia 6 di februari 2015 den Stadion Guillermo Prospero Trinidad.

  E prome 3 nan cu clasifica den nan categoria, tanto mucha muher como mucha homber ta pasa pa forma parti di e delegacion di Atletismo Escolar cu ta bay representa Aruba na e competencia di ‘Weganan Interinsular 2015’ cu ta tuma lugar na Boneiro dianan 27 pa 29 di maart 2015.

  Diabierna dia 6 di februari 2015, e muchanan ta participa den coremento, ‘balwerpen’ y ‘verspringen’.

IBiSA ta pidi tur mayor y/of docente pa percura pa e muchanan ta presente na Stadion pa 2:30p.m. pa cuminsa cu registracion y nan ricibi nan ‘race-number’.

E competencia mes ta start exactamente 3:00p.m. Na final di atardi ta premia e ganadornan di e prome tres lugar den cada categoria, como tambe ta bira conoci ken ta esnan cu ta bay representa Aruba den Atletismo di Weganan Interinsular na Boneiro.

  IBiSA ta invita mayornan, compañeronan di school pa bin apoya nos muchanan dia di competencia na Stadion.

  Nombernan di e muchanan cu a clasifica representando nan school ta como lo siguiente den cada categoria: