ECASC ta confederación di ISF unda islanan den Caribe ta afilia. Un campeonato unda hustamente Aruba como isla mester cuminsa midi su nivel.  Preparacion y exigencianan pa Seleccion ta bastante halto di parti ASB y tur esaki ta pa cuminsa duna resultado cu ASB kier waak for di su seleccion.    

  Atletanan ta practicando intensivamente 4 biaha pa siman y e attendance ta 99% cual ASB ta orguyoso y contento.  Mirando cu ta drentando e ultimo 2 siman di preparación ASB a manda buska Ramon Jones e pitcher number uno actualmente riba ranking mundial kende a la ves ta un amigo di Aruba pa asina Ramon Jones por tira 4 wega contra nos seleccion, esaki sigur lo yuda nos atletanan wak e pitcheo internacional di taya y custumbra tambe poko poko cu e nivel di pitcheo aki.  Weganan di fogeo ta un necesidad pa cualquier seleccion den preparación.