Despues cu AVB mester a trata un protesta presenta pa e equipo di SV Britannia contra di SC Bubali, y di cual como resultado AVB a duna e razon na e equipo di Britannia, esaki a pone cu lo mester bin un cambio den e standing di e Playoff y tambe un cambio den e weganan cu mester a tuma lugar awe Diasabra ta wordo pasa pa manian Diadomingo.
Originalmente Diasabra 23 di Mei segun schedule original di e Playoff di Campeonato Division Honor, lo mester tabata tin e partido entre Britannia vs RCA pa 6:30 di atardi y pa 8:30 lo mester a continua cu e partido entre SC Bubali contra di Estrella, sin embargo despues di a revisa e impacto di e resolucion pa lo cual tabata trata e protesta presenta pa SV Britannia, AVB a bin cu e desicion pa hasi un cambio den e schedule di e weganan y ambos lo bai tuma lugar manjan Diadomingo 24 di Mei, unda cu ambos partido lo mester tuma lugar pareu 6:30 di atardi.
E wega entre SV Britannia vs RCA lo bai tuma lugar na Compleho Deportivo Guillermo Trinidad mientras cu e partido entre SC Bubali y SV Estrella lo bai tuma lugar na Compleho Deportivo Frans Figaroa na Noord. E decision aki a wordo tuma pa e resultadonan di ambos partido ta lo mas trasnsparente posibel.
AVB ta manda un invitacion cordial na henter fanaticada pa bin apoya boso equiponan den e parti final di e Campeonato aki cual pronto lo conoce un Campeon.