Diasabra a tuma lugar final di e Campeonato 50+ den e bunita
Compleho Deportivo Franklin Bareño na Pierdra Plat.
Den un compleho jena cu hende a start pa 7or e prome wega. SCA Paradera cu Santos a subi tereno pa wak ken lo sali na 3 lugar y resp 4 lugar. Na comienso di e partido Orlando de Weever ta score un penalty pa SCA. Pero den 5 mimuut Alexander croes di Santos ta empata e wega Desp Kun ta ricibi un bunita paso y ta hasi e wega 2-1 pa SCA. Jegando final di e prome tempo Santos ta hanja un penalty y Carlos Rubio ta iguala e wega na 2. Den di dos tempo SCA ta domina e wega completo y e hungadornan Ernesto Kun, de Weever y Vale Donato di SCA ta hasi e wega 5-2.
Pa 8:30 ta start e final di 50+ entre Arusur/Atletic contra Roma. Den wega aki e emocionan tabata halto, publico a biba cu e wega di principio te final. Por a mira cu ambos equipo a trece hopi fanaticada pa apoja nan. Arusur/Atletic ta pika dilanti ora nan delantero peligroso Glen Ebeciljodi ta anota 2 goal y asina half-time ta bay aden 2-0. Roma ta bay pensa kiko pa hasi y ora wega a start a cunsa pone precion y mediante Edward Clarissa ta logra 2 goal y Asina wega ta empata. Aki e emocionan a cunsa bay halto y e wega a cunsa bira un tiki bruto. Refree hunto cu su linesmannan ta wanta e wega bon bow di control cu un paar di carchi geel. Faltando 10 minuut pa wega kaba Navarro ta hinka un bunita goal y Arusur/Atletic ta bay Ariba. Aki Roma ta ataka tur cu tin, pero tawatat falta e toque final pa hinka goal. Refree ta fluit final di e wega y Arusur/Atletic ta hala rosea di alivio y mes ora ta cunsa celebra e Victoria. Despues di wega tur hungador a braza otro y felicita otro y a lubida tur zundramento y reclamo. Arusur a caba durante campeonato regular na prome lugar y ta bira campeon tambe.
Despues di wega ta sigi mes ora cu ceremonia di homenage na Mario van der Biezen di Teachers y Erwin Dania di Brittania na kedenan e Campeonato 50+ a wordo dedica. Tur 2 ta hanja nan plakaat pa recuerdo for di directiva di FEDEVETA. Depues ta sigi e goal getter di Campeonato regular 50+ pa ricibi su copa, cu ta Nyles Oduber di Roma cu 9 goal. E team Campeon, mane ta tradicion, ta escoge nan hungador mas valioso cu ta Glen Ebeciljodi y esaki ta hanja su copa di MVP Campeonato 50+.
Despues SCA paradera ta hanja su Copa di 3lugar sigi Pa Roma cu ta hanje e bunti copa Sub-campeon 50+ FEDEVETA 2015. Na final Arusur/Atletic porfin por llama su mes Campeon 50+ di e Campeonato di FEDVETA y ta hanja su copa.
Un danki na tur equipo y nan dirigente pa un dushi Campeonato 50+ sin problema y sigur un bon ehempel na e otro Campeonato 40+ y 35+ cu ta na caminda. Tambe un danki na directiva di Compleho Deportivo Franklin Bareño cu e bunita lugar pa Play-off FEDVETA 50+.
